Një operacion i gjerë policor me emrin e koduar “Blloku 33” ka çuar në shkatërrimin e disa grupeve kriminale që shpërndanin kokainë dhe heroinë në lokalet e natës në zonën e Ish-Bllokut. Operacioni u zhvillua nga Seksioni për Hetimin e Narkotikëve, në bashkëpunim me Forcën e Posaçme Operacionale të DVP Tiranë dhe nën drejtimin e Prokurorisë pranë Gjykatës së Shkallës së Parë të Juridiksionit të Përgjithshëm.
Pas muajsh hetimesh me metoda proaktive, u ekzekutuan masat e sigurisë “arrest me burg” për 24 shtetas:
- Arnold Hida
- Durim Gurzi
- Artur Gurzi
- Elvis Sejdo
- Julian Bushati
- Adnan Hida
- Sabian Jashari
- Mario Avdiaj
- Geraldo Kovaçi
- Albert Shushku
- Emrah Mustafaj
- Xhoana Rustemi (Hasani)
- Vladimir Qerimi
- Myzafer Xhanari
- Albi Shehu
- Ledio Dervishi
- Juljan Rabushja
- Elisard Rrustaj
- Kledi Sinani
- Bledar Duka
- Kevin Troplini
- Samuel Demiri
- Ardit Dervishi
- Ledin Kazanxhi
Ndërkohë, për shtetasin Faik Kurti u vendos masa e sigurisë “arrest shtëpie”.
Gjatë kontrolleve të ushtruara ndaj personave dhe në banesat e tyre, policia ka sekuestruar 1.964 kg kokainë, 450 gramë heroinë, 2 armë zjarri të tipit pistoletë, 29 celularë, 6 automjete, 4 peshore elektronike dhe shuma të konsiderueshme parash në lekë dhe euro.
Në kuadër të hetimeve janë shpallur në kërkim edhe 8 persona të tjerë, për të cilët vijojnë operacionet për kapjen dhe dokumentimin e plotë të përfshirjes së tyre në këtë veprimtari kriminale. Autoritetet theksojnë se hetimet vazhdojnë për zbardhjen e plotë të rrjetit dhe lidhjeve të tij.
