Lokalit në pronësi të Mondi Vogës në Durrës i është bërë atentat me armë zjarri në orët e para të mëngjesit të sotëm. Persona ende të paidentifikuar kanë qëlluar me 15 plumba kallashnikovi në drejtim të ambientit, duke shkaktuar panik në zonë, por pa të lënduar.
Mondi Voga, i cili rezulton të ketë qenë shofer i ish-prokurorit Arjan Ndoj, nuk është emër i panjohur për drejtësinë. Në vitin 2020, në makinën e tij u gjet një armë zjarri e tipit pistoletë, ndërsa më vonë u shpall në kërkim pasi u identifikua nga avokati Ilia Ilia si personi që e dhunoi fizikisht pranë Prokurorisë së Durrësit. Pamjet e sigurisë konfirmuan incidentin.
Policia ka nisur hetimet për atentatin, ndërsa po verifikohen edhe lidhjet e mëhershme të Vogës me ngjarje të tjera kriminale, përfshirë dhe lidhjet e mundshme me emra të drejtësisë si Arjan Ndoj.
