Prej dy ditësh një vajzë shqiptare adoleshente, rezulton e zhudkur në Greqi. Familja e vajzës deklaron se ka ditë që nuk ka komunikuar me vajzën për këtë ata kanë bërë edhe një denoncim në polici. Pas denoncimit, policia greke e ka shpallur zyrtarisht të rrëmbyer. Në Shqipëri, Enkelejda Veliu, halla e vajzës ka bërë apel për ndihmë përmes një postimi në rrjetet sociale kërkon ndihmën e bashkëatdhetarëve në Greqi.
Sipas saj, vajza e zhdukur është Emilia Veliu, mbesa e saj dhe vajza e vëllait. Ajo thekson se prej dy ditësh familja nuk ka asnjë kontakt apo informacion mbi vendndodhjen e saj.
“Kjo është mbesa ime. Vajza e vëllait. Emilia Veliu. Prej dy ditësh nuk kemi asnjë njoftim. Policia e ka shpallur të rrëmbyer,” shkruan Enkelejda Veliu në apelin e saj publik në Facebook.
Ajo i drejtohet të gjithë shqiptarëve që jetojnë në Greqi, veçanërisht në Athinë, që nëse kanë ndonjë informacion apo e kanë parë vajzën, të kontaktojnë menjëherë familjen apo autoritetet. Do t’ju lutesha gjithë miqve që kam në Facebook, që jetojnë në Greqi, në Athinë, nëse keni një informacion ose e keni parë diku. Ju lutem na kontaktoni,” apelon Veliu.
Akoma nuk janë dhënë detaje të mëtejshme mbi rrethanat e zhdukjes apo vendin e saktë ku dyshohet se është rrëmbyer vajza, ndërsa familjarët presin zhvillime nga hetimet e policisë greke.
