Ka nisur seanca e radhës plenare në Kuvendin e Shqipërisë. Në rendin e ditës është parashikuar zhvillimi i një interpelance me ministrin e Financave, Petrit Malaj, e kërkuar nga deputetja e Partisë Demokratike, Jorida Tabaku.
Deputetët do të shqyrtojnë gjithashtu një sërë projektligjesh, si edhe raportet për vlerësimin e veprimtarisë së disa institucioneve përgjatë vitit 2025.
Ndërkohë, opozita e ka bojkotuar edhe këtë seancë plenare, në vijim të qëndrimit të mbajtur gjatë seancës së së hënës.
Jashtë ambienteve të Kuvendit janë marrë masa të shtuara sigurie. Në oborrin para Parlamentit janë vendosur forca të shumta policore, si edhe autobote me ujë, ndërsa deri në nisjen e seancës nuk janë konstatuar protestues në zonë.
