Kryeministri i Izraelit, Benjamin Netanyahu, është i njohur për sjelljen e tij të keqe, skandalet e korrupsionit, politikën përçarëse dhe tani për gjenocidin ndaj palestinezëve të rrethuar në Gaza. Kështu që, kur ish-kryeministri britanik Boris Johnson bëri një pretendim të bujshëm, duke akuzuar Netanyahun për përgjimin e tualetit të tij privat në vitin 2017, për shumë njerëz kjo nuk ishte surprizë. Johnson thotë se detajet për këtë ngjarje do të jenë në librin e tij të ardhshëm me kujtime.
Pretendimi i Johnson-it përputhet me sjelljen e Netanyahut në të kaluarën, ku ai është përfshirë në skandale të tilla si përdorimi i manirave të këqija në tryezë, përgjuar vendet e huaja dhe mosrespekt ndaj liderëve të vendeve të tjera – veçanërisht atyre që i hapin dyert e tyre për të.
Përgjimi i tualetit të kryeministrit britanik
Pas publikimit të disa pjesëve të librit të tij të ardhshëm “Unleashed”, për gazetën The Telegraph, Boris Johnson të enjten tërhoqi vëmendjen e mediave duke rrëfyer se Netanyahu kishte përgjjuar ambientet e tij private. Johnson tregoi se gjatë një kontrolli rutinë për pajisje përgjimi, u gjet një pajisje në tualet pas vizitës së Netanyahut.
Vendosja e pajisjeve përgjimi pranë Shtëpisë së Bardhë
Në vitin 2019, qeveria amerikane përfundoi se, që nga viti 2017, Izraeli ishte me shumë gjasa prapa vendosjes së pajisjeve përgjuese të celularëve pranë Shtëpisë së Bardhë dhe vendeve të tjera të ndjeshme në Uashington DC. Administrata Trump nuk e qortoi qeverinë izraelite dhe nuk pati pasoja për sjelljen e tyre.
Netanyahu sjell rrobat e pista nga Izraeli në SHBA
Netanyahut janë të njohur për prirjen e tyre që, gjatë vizitave zyrtare në Shtetet e Bashkuara, të mbërrijnë me valixhe plot me rroba të pista që pastrohen falas nga lavanderia e Shtëpisë së Bardhë. Në vitin 2020, Washington Post raportoi se Netanyahu dhe bashkëshortja e tij, Sara Netanyahu, kanë krijuar një reputacion për të sjellë çanta dhe valixhe me rroba të pista gjatë udhëtimeve jashtë vendit për t’u larë me shpenzimet e një vendi tjetër — një praktikë që, sipas WaPo, u vu re nga stafi i rezidencës së Shtëpisë së Bardhë.
“Netanyahut janë të vetmit që sjellin valixhe të plota me rroba të pista për t’i pastruar,” citoi gazeta një zyrtar amerikan në atë kohë. “Pas disa udhëtimeve, u bë e qartë që kjo ishte e qëllimshme.”
Sipas Business Insider, pas vizitës së Netanyahut në Shtëpinë e Bardhë më 15 shtator 2020, ambasada izraelite në Uashington DC tha se nuk kishte “asgjë të pazakontë në kërkesat për larjen e Netanyahut”.
Netanyahu shërben ëmbëlsirë në këpucë kryeministrit japonez
Në vitin 2018, Netanyahu organizoi një darkë për kryeministrin japonez të asaj kohe, Shinzo Abe, dhe bashkëshorten e tij Akie Abe. Për ëmbëlsirë, shefi i njohur i kuzhinës, Segev Moshe, i shërbeu bombone çokollate të vendosura në një palë këpucë burrash të zeza, gjë që shkaktoi zemërim te diplomatët japonezë, pasi në kulturën japoneze është jashtëzakonisht fyese të vendosësh këpucë në tryezë.
