Pas daljes, ish-kryeministrit Sali Berisha i është komunikuar akuza e korrupsionit pasiv. Vetë Berisha i hodhi poshtë këto akuza, duke deklaruar se ato nuk janë gjë tjetër përveçse "500 faqe me mashtrime, mashtrime, mashtrime." “Asgjë nuk ndryshon. Është vazhdimi i një hakmarrjeje politike, zbatimi i një urdhri mafioz politik. Ajo që është themelore, është se nuk ekziston asnjë provë, asnjë fakt, asnjë dokument që të dëshmojë se në të gjithë këtë proces ka ndodhur shkelja më e vogël. "Gjendej fotografia e Amant Josifit për meritat e tij në spekulimin dhe mashtrimin botëror. Gjendej Ymer Lala tek i jepte Dumanit 1 milion euro për pyetjen që nuk i bëri. Gjendej Taulant Balla, i cili po merrte shpërblimin e Suel Çelës për shpërblimin e vrasësve të Lulzim Kullës. Gjendeshin horra që shkojnë nga gjykatësi në gjykatës dhe u bëjnë forma më të neveritshme presioni, duke përdorur dokumente antiligjore për t’i mbajtur peng ata. Gjendeshin dokumente nga Greqia të Irenës me 5 mbiemra, të cilat i ruante Dumani në kasafortë. Tregojnë që është një delinkuente e dënuar. Gjendeshin 100 milionë euro të Edi Ramës dhe Beqës. Gjendeshin 300 milionë euro të Vilma Nushit që i ndan me Edi Ramën. Gjendeshin 4 miliardë euro të Edi Ramës dhe Alabarit", tha pas daljes kryetari i PD. Berisha deklaroi se ai është kandidat për kryeministër i PD në zgjedhjet e ardhshme, edhe pse paralajmëroi se pas fitores në zgjedhje do të ketë një proces votimi në PD për të zgjedhur kandidatin për kryeministër, proces në të cilin ai do të marrë pjesë. Në protestën e sotme u panë një grup deputetësh të PD, kryesisht ata të Rithemelimit. Munguan të jenë të dukshëm kryetari i grupit parlamentar, Gazment Bardhi, dhe Agron Gjekmarkaj. Berisha paralajmëroi gjithashtu se sot, në orën 20:00, do të vijojë protesta e zakonshme në "Rrugën e Shpresës".
