Gjykata e Lartë ka refuzuar rekursin e Arbër Çekaj. Pronari i kompanisë “Arbi Garden” ka mbetur i dënuar për trafikimin e 613 kg kokainë, sasia më e madhe e drogës e kapur ndonjëherë në Shqipëri.
Çekaj u dënua me 21 vite burg, por për shkak të përdorimit të gjykimit të shkurtuar, ai ka përfituar një ulje të dënimit prej një të tretës, duke u detyruar të vuajë 14 vite burg.
Ai e ka mohuar vazhdimisht përfshirjen në ngjarjen e vitit 2018, kur brenda një konteineri bananesh u zbuluan 613 kg kokainë që ishin transportuar nga Kolumbia përmes Italisë dhe arritën në Portin e Durrësit, për t'u transferuar më pas në magazinën e tij.
