Tuesday, 15 September 2026
Dërgo denoncim anonim
English

EKSKLUZIVE

Më shumë
Bota 1 January 2025, 16:22 Nga VNA

Mesazhe paqe dhe kërcënime për luftë, cilat ishin mesazhet e liderëve të botës për vitin 2025

Ndaje në Whatsapp
Mesazhe paqe dhe kërcënime për luftë, cilat ishin mesazhet e
Me Vitin e Ri 2025 që “trokiti” në të gjithë botën, liderët e saj dërguan mesazhe për popujt e tyre, ku nuk munguan mesazhet e paqes, por edhe kërcënimet për luftë. Presidenti i Kinës, Xi Jinping: Xi përdori fjalimin e tij drejtuar kombit për të lëshuar një paralajmërim për forcat pro-pavarësisë në Tajvanin e vetëqeverisur, duke thënë se askush nuk mund ta ndalojë “ribashkimin” e Kinës me ishullin; Presidenti i Rusisë, Vladimir Putin: Udhëheqësi i Kremlinit bëri homazhe për ushtarët që luftojnë në luftën në Ukrainë dhe u tha rusëve se gjithçka do të jetë më mirë në 2025-ën. Putin nuk bëri komente specifike për mundësinë e përfundimit të luftës; Kryeministri i Indisë, Narendra Modi: Në një mesazh në X, Modi shkroi: “Ky vit u sjellë të gjithëve mundësi të reja, sukses dhe gëzim të pafund. Të gjithë qofshin të bekuar me shëndet dhe prosperitet të mrekullueshëm”; Presidenti i Ukrainës, Volodymr Zelensky: Ndërsa lufta në Ukrainë vazhdon, presidenti i vendit falënderoi qytetarët e saj që dëshmuan se asnjë raketë nuk mund të mposhtë një komb që ka krahë. Zelensky tha se nuk kishte dyshim se presidenti i ardhshëm i SHBA, Donald Trump mund të arrinte paqen; Presidenti i Afrikës së Jugut, Cyril Ramaphosa:Lufta në Gaza u trajtua në mesazhin e Ramaphosas për Vitin e Ri, ku ai bëri thirrje për përfundimin e armiqësive dhe lirimin e pengjeve izraelite. Ai tha se Afrika e Jugut është e përqendruar në unitet dhe zhvillim pasi mezi pret të presë samitin e G20 në 2025; Kryeministri i Mbretërisë së Bashkuar, Keir Starmer:Udhëheqësi laburist u zotua të rindërtojë Britaninë dhe tha se qeveria do të prezantojë një plan për të siguruar që njerëzit të kenë më shumë para në xhepin e tyre në 2025; Presidenti i Francës, Emannuel Macron: Pas një viti të trazuar, Macron pranoi se vendimi i tij për të thirrur zgjedhje të parakohshme në qershor kishte krijuar më shumë paqëndrueshmëri politike. Ai gjithashtu adresoi konfliktet në të gjithë globin dhe tha se Europa nuk mund t’ia delegojë sigurinë e saj fuqive të tjera.

Top Channel

Lexo gjithashtu

Video

Edi Rama reagon pas vendimit për të lënë në qeli Erion Veliajn. Kryeministri ngre pikëpyetje për vijimin e paraburgimit dhe thotë se Tirana po mbetet pa drejtimin e kryetarit të zgjedhur. Sipas Ramës, kjo situatë po sjell një kosto të përditshme për kryeqytetin dhe qytetarët. Ai e cilëson atë një “eksperiment të paparë juridik, social dhe ekonomik”.

Edi Rama reagon pas vendimit për të lënë në qeli Erion Veliajn. Kryeministri ngre pikëpyetje për vijimin e paraburgimit dhe thotë se Tirana po mbetet pa drejtimin e kryetarit të zgjedhur. Sipas Ramës, kjo situatë po sjell një kosto të përditshme për kryeqytetin dhe qytetarët. Ai e cilëson atë një “eksperiment të paparë juridik, social dhe ekonomik”.

Tre automjete janë përfshirë në një aksident në superstradën Lezhë–Shkodër, pranë kryqëzimit të Gocajve. Si pasojë e përplasjes, dy drejtues mjetesh dhe një pasagjer kanë mbetur të plagosur dhe janë transportuar në Spitalin e Lezhës. Pas ndihmës mjekësore, raportohet se ndodhen jashtë rrezikut për jetën. Aksidenti shkaktoi vështirësi të përkohshme në qarkullim.

Një zjarr i përmasave të mëdha ka rënë në hyrje të fshatit Andon Poçi, duke rrezikuar banesat dhe një fabrikë uji pranë vatrës së flakëve. Forcat e MZSH Gjirokastër kanë ndërhyrë menjëherë me mjete dhe personel për izolimin e zjarrit dhe mbrojtjen e objekteve të rrezikuara. Ndërhyrja vijon me intensitet, ndërsa situata po mbahet nën monitorim.

×
❮ ❯

opinion

Opinionet e shprehura i përkasin autorëve dhe nuk përfaqësojnë qendrimin e redaksisë.

Histori të harruara

Më shumë lajme