Ka mbërritur në portin e Shëngjinit Guardia Costiera, anija që do marrë dhe do të kthejë sërish në Itali 12 emigrantët që u akomoduan më parë në kampin e Gjadrit.
Ishte Gjykata e Romës ajo që nuk e konsideroi të ligjshëm vendosjen e emigrantëve në qendrën italiane në Gjadër, Shqipëri. Me vendim, gjykata urdhëroi kthimin e menjëhershëm në Itali të 12 emigrantëve që kishin mbërritur më parë në Gjadër. Sipas vendimit, vendet nga vijnë emigrantët, Bangladeshi dhe Egjipti, nuk konsiderohen të sigurta, duke u mbështetur edhe në interpretimet e fundit të Gjykatës Evropiane të Drejtësisë.
