Është zbuluar në Peqin një magazinë e përshtatur për kultivim të cannabisit, me anë të llambave ku është arrestuar pronari i magazinës, si dhe drejtori i OSHEE, Peqin, procedohen penalisht 2 punonjës të këtij institucioni, për shpërdorim të detyrave dhe moskallëzim të krimit.
Janë sekuestruar në cilësinë e provës materiale, pajisje elektrike dhe sende të tjera që shërbinin për të kultivuar bimët narkotike, si dhe një sasi e vogël lënde narkotike cannabis.
Në kuadër të operacionit Inside, u arrestua shtetasi Graciano Kosta, 37 vjeç, banues në Peqin, pronari i magazinës, për veprat penale “Kultivimi i bimëve narkotike”, “Prodhimi dhe shitja e narkotikëve” dhe “Vjedhja e energjisë elektrike ose e impulseve telefonike”.
Në vijim të veprimeve procedurale, u bë ndalimi i shtetasit Elvis Maçi, 33 vjeç, banues në Peqin, me detyrë Drejtor i OSHEE, Peqin, për veprat penale “Shpërdorimi i detyrës” dhe “Moskallëzimi i krimit”.
