Në prag të festivalit “Sunny Hill” në Prishtinë, superylli i muzikës botërore Dua Lipa është nderuar me shtetësinë e Republikës së Kosovës. Presidentja Vjosa Osmani e priti personalisht këngëtaren, duke i dorëzuar dekretin presidencial që e bën zyrtarisht qytetare të Kosovës.
“Dua dhe Kosova kanë qenë gjithmonë të pandashme,” u shpreh Osmani. Ajo e cilësoi Dua Lipën si një nga figurat më të rëndësishme kulturore të vendit, që me talentin dhe suksesin e saj ndërkombëtar ka përfaqësuar me krenari Kosovën në skenat më të mëdha të botës.
“Mirënjohja jonë është e pafund për gjithçka që ajo ka bërë dhe vazhdon të bëjë për rininë dhe imazhin ndërkombëtar të Kosovës,” shtoi Presidentja.
