Me 15 shtator 1944, dy ditë pas çlirimit të Beratit nga brigada e ushtrisë partizane nën drejtimin e gjeneralit Gjin Marku, Enver Hoxha, si Komandant i Shtabit të Ushtrisë, i dërgon dorazi një letër Gjin Markut përmes të dërguarit ushtarak në Shtabin e Përgjithshëm të Ushtrisë, Vojo Todoroviçit.
Në letër, Hoxha i kërkonte gjeneralit që partizanët të përmbaheshin nga shprehja publike e vlerësimit dhe adhurimit për majorin jugosllav. Që prej përfundimit të luftës, Enver Hoxha filloi të tregonte kujdes për të mos nxjerrë në pah ndikimin e jashtëzakonshëm të jugosllavëve në Shtabin e Ushtrisë. Megjithatë, në biseda private, partizanët shqiptarë ishin të lirë të shprehnin dashurinë për jugosllavët. Gjithçka duhej të mbetej e rezervuar për popullin, në mënyrë që të mos dukej hapur dashuria dhe varësia e komandantit të shtabit nga jugosllavët.
Kjo dashuri ishte aq e verbër, sa Enver Hoxha ia dorëzoi letrën për gjeneralin shqiptar Gjin Marku pikërisht majorit jugosllav.
