Duke komentuar zgjedhjet e sotme në Urdhrin e Psikologut, të cilat dështuan për mungesë kuorumi, gazetarja Klodiana Lala deklaroi në emisionin “Të Paekspozuarit” në MCN TV se problemet e psikologëve mund të vazhdojnë për një kohë të gjatë dhe presidentja do të të mbajë karriken, edhe pse ndaj saj është një dosje e kopsitur në prokurori dhe se Urdhri i Psikologut është kthyer në një instucion abuzues.
“Drejtuesit e Urdhrit të Psikologut kanë dhënë 30 milionë lekë shpërblime, pra që unë të punoj si psikologe në gjykatë më duhet të paguaj ca miliona lekë, të bëj trajtimin vazhdues, të marrë atë pikëzimin. Një trajnim bën 1400 euro, një tjetër bën 1000.
Urdhri i Psikologut ishte kthyer në një instucion abuzues dhe këto para i merr presidentja me strukturat, e cila është e kallëzuar penalisht në prokurori.
Është një histori e gjatë që vazhdon prej vitesh dhe prokuroria e Tiranës ka një dosje të kopsitur me shumë abuzime, që kërkon pezullimin e presidentes nga detyra që ka që në vitin 2018.
Kam parë një sjellje të tmerrshme të mediave që ose kanë qenë të painformuara ose të ndikuara në rastin konkret dhe këtij problemi nuk i është shkuar ne thellësi.
Po të vijmë të zgjedhjet. Njëra kandidate ka qenë sekretare, njeriu në hije i Valbona Treskës, në konflikt të hapur interesi dhe nuk mund të kandidonte ose duhej të jepte dorëheqjen dhe të vazhdonte. Zonja në fjalë ka votuar për përjashtimin e kandidatit të tretë që është Altin Nika. Ai ndoshta nuk do të merrte asnjë votë, por nuk mund t’i mohohet kandidimi.
Zonja Toçe thotë se zgjedhja e zonjës Laboviti është e paligjshme, dhe problemet e psikologëve mund të vazhdojnë për një kohë të gjatë dhe presidentja do të mbajë karriken”- tha Lala.
