- Rasti i Hajrulla Xhivina, kandidati për kryepolic, personi që uroinoi para Gjykatës së Lartë
Gara për drejtorin e ri të Policisë së Shtetit ka angazhuar, përveç të interesuarve brenda policisë, edhe aktorë apo faktorë politikë… dhe jo vetëm. Kaq interesa janë bashkuar në këtë garë sa persona të interesuar për ta delegjitimuar procesin, kanë mundësuar regjistrimin edhe të një personazhi qesharak. Quhet Hajrulla Xhivini. VNA më datën 7 korrik të këtij viti ka publikuar lajmin për një person që ka urinuar përpara dyerve të Gjykatës së Lartë. https://vna.al/kanosje-per-shkak-te-detyres-me-ca-e-kanosi/. Qartas një personazh i tillë nuk mund të jetë kandidat për të mbajtur uniformën e policit e jo më të drejtojë strukturën e saj. Por pyetja që lind në këtë rast është: kush po përpiqet të delegjitimojë këtë garë? A ka segmente brenda mazhorancës që po luajnë për interesa të grupeve kriminale? Pse PD është përfshirë në mënyrë të ethshme duke komentuar emra dhe duke “djegur” kandidatura të veçanta? Është krejt normale që opozita të kontestojë procesin dhe vetë drejtorin, por çfarë e shtyn të përfshihet në lojërat brenda mazhorancës për emrat në garë? Mesa duket palët janë përzier ethshëm në përpjekjet për të zgjedhur të preferuarin e tyre. Se cili nga kampet apo grupet e interesit do të fitojë dhe të ketë njeriun e vet në krye të policisë kjo nuk dihet. Por cilido të jetë kryepolici i ri, një gjë është e sigurt, gara u njollos dhe jo pa qëllim.
