Ish-drejtori i Përgjithshëm i Burgjeve, Agim Ismaili, u paraqit sot në Prokurorinë e Posaçme (SPAK), në kuadër të hetimeve që po zhvillohen për hakerimin e serverëve të këtij institucioni.
Sipas SPAK, Ismaili ndodhet nën hetim penal dhe dyshohet se është pjesë e një grupi kriminal që ka kryer ndërhyrjen e paligjshme në sistemet informatike të Prokurorisë së Posaçme. Hetimet lidhen me sulmin kibernetik ndaj infrastrukturës së SPAK dhe komprometimin e sigurisë së të dhënave të saj.
Autoritetet bëjnë me dije se procedimi penal vijon dhe po hetohen rrethanat, rolet konkrete dhe përgjegjësitë e personave të përfshirë në këtë çështje. Deri në këtë fazë, SPAK nuk ka dhënë detaje të tjera mbi masat e sigurisë apo akuzat specifike që mund të ngrihen ndaj Ismailit.
