Elton Alushi ka dhënë dorëheqjen nga posti i drejtorit të Policisë së Tiranës. Dorëheqja i është dorëzuar kreut të Policia e Shtetit, Skënder Hita.
Arsyeja e largimit nuk është bërë publike, por Alushi konsiderohej pjesë e rrethit të personave të besuar të ish-drejtorit të Policisë së Shtetit, Ilir Proda.
Lëvizja vjen në një moment ndryshimesh në strukturat drejtuese të policisë. Më herët është dorëhequr edhe drejtori i Policisë së Kukësit, ndërsa Skënder Hita pezulloi nga detyra kreun e Policisë së Durrësit, Afrim Tafa, pas aksidentit tragjik në Durrës.
