GJKKO ka rrëzuar kërkesën e ish-ministrit të Shëndetësisë, Ilir Beqaj, për ndryshimin e masës së sigurisë në lidhje me çështjen e njohur si “SASPAK”.
Me vendimin më të fundit, gjykata ka vendosur të lërë në fuqi masën e sigurisë “arrest në burg” ndaj Beqajt, i cili ndodhet në paraburgim që prej korrikut të vitit 2024.
Ish-ministri kishte kërkuar zëvendësimin e masës së sigurisë, por kërkesa e tij nuk u pranua nga trupa gjykuese e GJKKO-së. Ai po hetohet nga Struktura e Posaçme Kundër Korrupsionit dhe Krimit të Organizuar në kuadër të dosjes “SASPAK”.
