Izraeli ka vrarë nëntë shkencëtarë dhe ekspertë të përfshirë në programin bërthamor të Iranit gjatë sulmeve të tij ndaj vendit, tha ushtria izraelite.
Forcat Mbrojtëse të Izraelit (IDF) thanë se Ali Bakhouei Karimi, Mansour Asgari dhe Saeed Barji – ekspertë përkatësisht në mekanikë, fizikë dhe inxhinierë materialesh – u vranë nga sulmet ajrore të premten.
Vdekja e tyre u konfirmua nga agjencia gjysmëzyrtare e lajmeve Tasnim e Iranit.
Kujtojmë se Izraelit deklaroi më herët se kishte vrarë gjashtë ekspertë të përfshirë në programin bërthamor, së bashku me tre udhëheqës kryesorë ushtarakë, raporton CNN.
Ndërkohë Agjencia e energjisë atomike e Iranit thotë se dëmi nga sulmet izraelite në objektet bërthamore në Fordow dhe Isfahan është i kufizuar.
Zëdhënësi i Organizatës së Energjisë Atomike të Iranit tha se objektet bërthamore të Iranit në Fordow dhe Isfahan nuk u dëmtuan rëndë nga sulmi nga Izraeli të premten.
Nuk ka rrezik për kontaminim, tha zëdhënësi iranian. Ai minimizoi shkallën e dëmit të shkaktuar në uzinën kryesore të pasurimit bërthamor të Iranit në Natanz, duke thënë se objekti “nuk pësoi dëme serioze”.
Megjithatë, kreu i agjencisë mbikëqyrëse bërthamore të Kombeve të Bashkuara tha gjatë një takimi të Këshillit të Sigurimit të OKB-së të premten se zona mbi tokë e objektit ishte shkatërruar.
