Irani ka sulmuar Arabinë Saudite gjatë natës, në atë që është goditja e parë e tillë në gati tre muaj, sipas dy burimeve të cituara nga agjencia e lajmeve Reuters.
Sulmet shkaktuan aktivizimin e sistemeve të alarmit të hershëm në zonën e Al Kharj, në lindje të kryeqytetit Riad, si dhe në Yanbu, përgjatë bregdetit të Detit të Kuq.
Sipas burimeve, një prej objektivave të mundshëm ishte Baza Ajrore e Princ Sultan, një impiant ku janë të vendosura edhe forca amerikane.
Mediat shtetërore saudite konfirmuan se alarmet e paralajmërimit të hershëm ishin aktivizuar, por nuk dhanë detaje mbi shkakun e tyre apo natyrën e kërcënimit.
Ndërkohë, Garda Revolucionare Islamike e Iranit nuk ka marrë përgjegjësi dhe nuk ka bërë asnjë deklaratë për një sulm ndaj Arabisë Saudite.
Zhvillimi vjen në një kohë kur tensionet në Lindjen e Mesme mbeten të larta, ndërsa përplasjet mes Iranit dhe aleatëve të SHBA-së kanë rritur shqetësimet për një përshkallëzim të mëtejshëm në rajon.
