Konsumimi i ushqimeve që favorizojnë inflamacionin kronik është i lidhur me një rritje prej 84% të incidencës së demencës (për të gjitha shkaqet), sipas shkencëtarëve.
Kërkimi që ka nxjerrë këtë shifër veçanërisht domethënëse është kryer nga Glenn Biggs Institute for Alzheimer's & Neurodegenerative Diseases në UT Health San Antonio, Boston University School of Medicine dhe Framingham Heart Study dhe është publikuar në revistën Alzheimer's & Dementia.
Nuk është diçka e re që inflamacioni kronik favorizon rënien e funksioneve njohëse dhe çrregullimet e kujtesës që lidhen me zhvillimin e demencës; risia e këtij studimi, publikuar në dhjetor, qëndron në faktin se ka arritur të kuantifikojë rrezikun përmes Indeksit Inflamator Dietetik (DII). Ky indeks mat potencialin inflamator të dietave duke analizuar lëndët ushqyese, përbërësit bioaktivë dhe komponentët ushqimorë. Për shembull, në ushqimet anti-inflamatore përfshihen fibrat, vitaminat, yndyrat omega-3, ndërsa në ato pro-inflamatore përfshihen yndyrat e ngopura, marrja totale e energjisë dhe karbohidratet.
