Nga 11 kandidatë për të marrë drejtimin e Policisë së Shtetit, Ministri i Brendshëm njoftoi se ka të përzgjedhurin, Ilir Prodën. Emri i tij është përcjellë Këshillit të Ministrave, si kandidat për Drejtor të Përgjithshëm të Policisë së Shtetit, vendimi i Qeverisë për këtë kandidaturë do të merret në mbledhjen e radhës. Nga CV -ja e tij, Proda rezulton të ketë mbajtur disa poste drejtuese në Policinë e Shtetit, ku së fundmi edhe drejtues në Policinë e Elbasanit. Teksa më herët ka shërbyer në sektorë në luftën kundër lëndëve narkotike si dhe pjesë e strukturave hetuese.
Më poshtë gjeni CV e zotit Proda: - 2002-2005 Akademia e Policisë -Gusht 2005-Nëntor 2011 Komisariati Nr.3 Tiranë -Nëntor 2011-Mars 2012 Komisariati Nr.4 Tiranë-Mars 2012 -Qershor 2013 Drejtoria e Përgjithshme e Policisë së shtetit, seksioni kundër krimeve ndaj jetës dhe lirisë së personit -Qershor 2013- Tetor 2013 në Policinë e Lezhës -Tetor2013- Dhjetor 2014 Shef Komisariati Nr.2 Tiranë -Dhjetor 2014- Shkurt 2016 Shef Komisariati Bulqizë -Shkurt 2016 – Maj 2017 Seksioni për hetimin e narkotikëve në Drejtorinë e Përgjithshme të Policisë së Shtetit -Maj 2017- Korrik 2019 Drejtoria e Përgjithshme, Njësia për hetimin e krimeve kundër personit dhe pasurisë -Korrik 2019 – Tetor 2021 Zv.Drejtor për hetimin e krimit në Korçë -Tetor 2021- Mars 2023 Zv.Drejtor për hetimin e krimeve në Elbasan-Mars 2023 Drejtor i Drejtorisë Vendore i Policisë së Elbasanit.
