Në orën 07:00 të mëngjesit, Ilir Meta, ish-President i Republikës, la qelitë e paraburgimit 313 në Tiranë dhe po shoqërohet nga Policia e Burgjeve drejt fshatit Çepan, Skrapar, për t’i dhënë lamtumirën e fundit babait të tij, Rexhep Meta, i cili ndërroi jetë ditën e djeshme në moshën 83-vjeçare.
Pas përfundimit të ceremonisë mortore, ish-kreu i shtetit do të rikthehet sërish në paraburgim, ku mbahet i izoluar prej 21 tetorit 2024 me urdhër të SPAK-ut, pasi akuzohet për korrupsion, pastrim parash dhe fshehje pasurie.
