Kryebashkiaku i Tiranës Erjon Veliaj, i cili po mbahet në paraburgimin e Durrësit ka ankimuar përmes avokatit masën e sigurisë “arrest me burg” marrë në mungesë të tij më 9 shkurt, e cila u ekzekutua një ditë më vonë, kur ai u arrestua në ambjentet e zyrës së tij në Bashkinë e Tiranës.
Ai e ka depozituar ankimimin me postë përmes avokatit të tij, Ermir Beta. Ankimin ka bërë dhe bashkëshortja e tij AJola Xoxa dhe 6 biznesmënët.
Erjon Veliaj akuzohet nga SPAK se në bashkëpumin me gruan kishin krijuar një sistem korruptiv, ku ai në cilësinë e kryetarit të Bashkisë së Tiranës firmoste leje e tendera në favor të disa biznesmenëve me lidhje klienteliste, si Gentjan Sula, Shkëlqim Fusha, Fatmir Bektashi, Meriman Palushi, Sokol Kryeziu dhe Elman Abule, ndërsa këta të fundit sponsorizonin aktivitetet e kompanive apo organizatave që kontrolloheshin nga bashkëshortja e tij Ajola Xoxa. Ndaj Veliajt e Xoxës rëndojnë dyshimet për korrupsion e pastrim parash.
