SPAK po heton Erjon Veliajn dhe familjarët e tij nën dyshimet për veprën penale të korrupsionit. Kjo pasi prokurorët e posacëm kanë dyshime të forta se anëtarë te ngushtë të familjes së kryebashkiakut të Tiranës, kanë marrë përfitime të paligjshme, nëpërmjet shoqërive apo individëve, të cilët kanë interesa të drejtpërdrejta në Bashkinë e Tiranës.
Nga hetimet prokurorët kanë zbuluar transaksione bankare, e apo ashtu janë ngritur dyshime të forta për kontrata të dyshimta dhe fatura fiktive. Burimet thonë se ka dyshime për një strukturë komplekse të marrëdhënieve financiare që ka patur si qëllim final futjen e parave në sistem bankar, duke fshehur origjinën e tyre. Në kuadër të këtij hetimi, SPAK urdhëroi kontroll personal, por edhe të kompanive të bashkëshortes së Erjon Veliajt, Aloja Xoxës, vëllait Arbër Veliaj, si dhe personave të besuar të tij, mes të tjerëve dhe Elman Abules, një biznesmen me shumë dritëhije.
