Qindra qytetarë janë mbledhur sot në një protestë paqësore për të kërkuar drejtësi pas vrasjes së 14-vjeçarit Martin Cani nga një bashkëmoshatar, i mituri me inicialet M.P.
Në mesin e protestuesve ndodhej edhe gjyshi i Martin Canit, i cili foli me dhimbje për humbjen e nipit dhe kërkoi vendosjen e drejtësisë. Ai tha se duhet të parandalohen ngjarje të tilla tragjike në të ardhmen.
“Ka qenë një humbje e madhe, e papërballueshme për familjen tonë. Kërkoj që drejtësia të vihet në vend. Martini ishte një fëmijë shembullor dhe humbja e tij është një plagë e madhe për ne dhe për shoqërinë. Ne u dogjëm, por shpresoj që të mos pësojnë të tjerë këtë fat,” u shpreh ai, duke bërë thirrje për ndërgjegjësim dhe veprim.
Protesta përfundoi me kërkesën unanime për drejtësi dhe siguri më të madhe për fëmijët dhe familjet në komunitet.
