Gjykata e Posaçme e Apelit për Korrupsionin dhe Krimin e Organizuar ka vendosur sot, më 9 qershor 2025, të miratojë masat e sigurimit për kryebashkiakun e Tiranës, Erion Veliaj, dhe biznesmenin Elman Abule. Vendimi është shpallur nga gjyqtari Engert Pëllumbi, pas shqyrtimit të ankimeve të paraqitura nga të hetuarit.
Sipas vendimit, është lënë në fuqi masa e “arrestit në burg” për Erion Veliajn dhe ajo e “arrestit në shtëpi” për Elman Abulen, siç ishte përcaktuar më parë nga Gjykata e Shkallës së Parë në datën 23 prill 2025. Palët kanë të drejtë të paraqesin rekurs në Gjykatën e Lartë brenda 45 ditëve nga njoftimi i vendimit.
Veliaj po hetohet për korrupsion dhe pastrim parash, bashkë me bashkëshorten dhe gjashtë biznesmenë.
