Gjykata e Tiranës dënoi me 55 vite burg dy të akuzuarit për vrasjen e Edmond Papës në dhjetor 2022 në Tiranë. Andrew Bode u cilësua fajtor për akuzën e vrasjes me paramendim, kryer në bashkëpunim, dhe u dënua me 30 vite. Albano Velo, në cilësinë e bashkëpunëtorit, u dënua me 25 vite burg. Edmond Papa u vra në shenjë hakmarrjeje ndaj ekzekutimit me eksploziv të Aleksandër Sadikajt, i njohur si Sanco, në qershor të 2022. Bode dhe Velo janë miq të Aleksandër Sadikajt dhe kushëririt të tij, Adriatik Kalemi. Nga saga e përplasjes Sadikaj–Kalemi–Papa janë shënuar disa viktima.
