Ish-kryebashkiaku i Kavajës, Elvis Roshi, është marrë zyrtarisht i pandehur për akuzën e shpërdorimit të detyrës. Ai u paraqit në mesditë pranë Prokurorisë së Posaçme dhe, pas daljes, avokati i tij sqaroi për mediat pozicionin ligjor të Roshit.
Roshi ishte kallëzuar nga Kontrolli i Lartë i Shtetit dhe aktualisht ndodhet nën hetim edhe për korrupsion zgjedhor. Më herët, BKH-ja i sekuestroi celularin si dhe ushtroi kontrolle në disa ambiente, përfshirë edhe persona të lidhur me të.
Kushëriri i Roshit kandidoi për deputet në zgjedhjet parlamentare të 11 majit, nën siglën e Partisë Demokratike – Aleanca për Shqipërinë Madhështore.
