"Mendoj se gjykata e prokuroria nëse duan të zbulojnë të vërtetën, mund ta bënin aktin e ekspertimit".
Kështu i shpreh ish ministri i Mbrojtjes Fatmir Mediu për mediat pas rrëzimit të kërkesës nga Gjykata e Posaçme kryerjen e një riekspertimi pjesor për kostot e dëmit ekonomiko-financiar të demontimit në fabrikën e Poliçanit.
Në një deklaratë për mediat pas këtij vendimi, Mediu u shpreh se ky është një akt nul, por që do t’i qëndrojë deri në fund të vërtetës së tij.
Sipas tij nëse gjykata e prokuroria nëse duan të zbulojnë të vërtetën, mund ta bënin aktin e ekspertimit. “Është një akt nul, që nuk reflekton as ligje dhe as marrëdhënie. Nëse ne paskemi qenë dritë shkurtër, ne si ministri mbrojte paskemi qenë siç pretendojnë ata, po partnerët tanë pse investuan pas Gërdecit 24 mln euro dhe u kthyen 7 mln euro. Pra një dëm rreth 17 mln dollarë. Asnjëherë demontimi nuk ka qenë me fitim".
Mediu theksoi se Sekretari amerikan i mbrojtjes, ministri gjerman dhe gjeneralë kanë pranuar të dëshmojnë në këtë çështje dhe kjo sipas tij është rruga e të vërtetës për drejtësi. Duke e konsideruar një proces në kundërshtim me ligjin, Mediu shprehet i zhgënjyer nga drejtësia e re, që sipas tij duhet të ishte si e një vendi të NATO-së dhe jo e kohës së diktaturës.
“Nëse po bëjnë një proces në kundërshtim më ligjin e argumentet absurdë, mendoj që kjo nuk është më drejtësi. Kemi shpresuar për drejtësi të një vendi anëtar të NATO-s dhe jo kohën kur brohorisnim tradhtari në litar. Kjo nuk është më drejtësi. Nëse partia ka vendosur që Mediu të jetë viktima e radhës të na rrojë partia!”
