Në Komisionin Hetimor për Shëndetësinë, situata u tensionua rëndë sot, kur deputetët e Partisë Demokratike u përjashtuan nga mbledhja. Ndërsa deputetët e PD-së ndodheshin jashtë sallës, pasi Garda e Republikës nuk i lejoi të marrin pjesë, mbledhja u hap nga deputeti i Partisë Socialiste, Plarent Ndreca.
Ky veprim shkaktoi një përplasje të ashpër verbale mes Ndrecës dhe kryetares së komisionit, Albana Vokshi, e cila reagoi me nervozizëm ndaj vendimit për të vazhduar mbledhjen pa praninë e deputetëve të përjashtuar të opozitës.
Kryetarja e komisionit Albana Vokshi ka kërkuar largimin e dëshmitarit Gentian Opre nga salla. Vokshi, e irrituar nga refuzimi i dëshmitarit për të dalë, ka kërkuar ndihmën e Gardës së Republikës
Debatet
Vokshi: Kush je ti mo, nuk je kryetar këtu dhe nuk e drejton këtë komision, unë te dera dhe ti guxon të fillosh mbledhjen.
Plarent Ndreca: Një njeri normal nuk i bën këto. Mbylle atë mikrofon dhe të të vijë turp.
Albana Vokshi: Të të vijë turp ty dhe gjithë deputetëve që nisin mbledhjen, kur kolegët rrinë të dera.
Plarent Ndreca: Do ulesh të drejtosh mbledhjen apo të vijoj. Mos u sill si e fortë. Do sillesh si kryetare.
Albana Vokshi: Në vend se të mbroni kolegët...
Plarent Ndreca: Kolegët që hedhin molotv nuk i mbrojmë ne
Albana Vokshi: Do jesh i pari që do e hash! Ti do të jesh i dyti në radhë të shkosh aty ku ka shkuar Ilir Beqaj. Do bërtas sa të dua… zoti Opre dil përjashta se jemi për procedurë, o Garda nxirre përjashta dëshmitarin
