Pas përfundimit të mbledhjes së grupit të PD, Gazment Bardhi në një prononcim për media tha se deputetët e opozitës do marrin pjesë në seancën e neserme parlamentare. Në lidhje me reagimin e SPAK, se bisedat e Signal nuk janë të vërteta, Bardhi apeloi për hetim të thelluar për zbulimin e autorëve pasi platforma të tilla përdoren nga politikanë të lartë të qeverisë të lidhur me krimin. Bardhi: PD e konsideron veprimin e Mazhorancës ndaj deputetëve të opozitës si akt provokimi i papranueshëm. Askush nga deputetët tanë nuk i nënshtrohet vendimeve personale të Ramës. Akt anti-kushtetues që kemi vendosur të mos t’i nënshtrohemi. Të gjithë nesër do të jemi në seancë plenare.Grupi do të jetë nesër në seancë. Rama mund të na vërë përballë ushtrinë e policinë, por një Kuvend në një vend kandidat për në BE që pengon deputetët e opozitës të hyjë në vendin e punës, shfaq në sytë e të gjithëve tiparet e vërteta të shtetit që po ndërton Rama.
