Franca është kualifikuar në çerekfinalet e Kupës së Botës, pasi mposhti 1-0 Paraguai në stadiumin Lincoln Financial Field.
Heroi i takimit ishte Kylian Mbappé, i cili realizoi golin e vetëm të ndeshjes nga pika e bardhë në minutën e 70-të, duke i siguruar “Gjelave” një biletë për në fazën e tetë skuadrave më të mira, ku do të përballen me Maroku.
Paraguai, që në raundin e kaluar kishte eliminuar Gjermania pas goditjeve të penalltive, zhvilloi një ndeshje shumë të disiplinuar në mbrojtje dhe arriti të neutralizonte sulmet franceze për pjesën më të madhe të sfidës. Pavarësisht dominimit në zotërimin e topit nga skuadra e drejtuar nga Didier Deschamps, francezët nuk regjistruan asnjë goditje në kuadrat gjatë pjesës së parë.
Sfida u shoqërua edhe me tensione në fushë, ku Mbappé u përfshi në një përplasje me lojtarët kundërshtarë pas një dueli me Andrés Cubas.
Në pjesën e dytë, Franca rriti ritmin e lojës dhe krijoi më shumë raste. Portieri Orlando Gill bëri disa pritje vendimtare, ndërsa hyrja në fushë e Désiré Doué ndryshoi rrjedhën e ndeshjes. Mesfushori fitoi një penallti pas ndërhyrjes së Diego Gómez, ndërsa Mbappé u tregua i saktë nga 11-metërshi për të zhbllokuar rezultatin.
Në minutat e mbetura, Franca administroi avantazhin, ndërsa Orlando Gill shmangu një disfatë më të thellë me dy pritje spektakolare ndaj Mbappé në kohën shtesë.
Me këtë sukses, Franca siguron kalimin në çerekfinale, ku do të përballet me surprizën e këtij Botërori, Marokun.
