Fethullah Gylen, figura qendrore e akuzuar nga qeveria turke për organizimin e grushtit të shtetit të dështuar më 15 korrik 2016, ka ndërruar jetë në moshën 83-vjeçare. Sipas raportimeve nga media turke, përfshirë faqen Haberler, Gylen u shtrua në spital të dielën vonë, ku edhe ndërroi jetë.
Gylen ishte themeluesi i organizatës FETO, të cilën qeveria e presidentit Recep Tayyip Erdogan e konsideron si armikun më të madh të shtetit. Ai ishte udhëheqës i vëllazërisë islame Nurçu dhe kishte jetuar për 22 vjet në mërgim në Pensilvani, SHBA. Pavarësisht kërkesave të vazhdueshme të qeverisë turke për ekstradimin e tij, autoritetet amerikane refuzuan ta kthenin në Turqi.
Pas përpjekjes për grusht shteti në 2016, mijëra ndjekës të Gylenit janë burgosur, ndërsa shumë të tjerë kanë ikur nga vendi.
