Momenti kur lideri i Hamasit largohet nga tuneli i fshehtë para sulmit të 7 tetorit, ushtria izraelite publikon videon

Zëdhënësi i ushtrisë izraelite, Daniel Hagari ka dhënë më shumë informacione për vrasjen e liderit të Hamasit, Yahya Sinëar, si një nga organizatorët e sulmit të 7 tetorit të vitit të kaluar. “Sinëar kishte punuar për vite me radhë për planin e sulmit terrorist të 7 tetorit kundër Izraelit,” tha ai, duke treguar pamjet që tregonin Sinëar dhe familjen e tij duke ecur nëpër një nga tunelet nëntokësore të Hamasit vetëm disa orë përpara pushtimit të 7 tetorit. Pasi Izraeli iu përgjigj sulmit të Hamasit duke vendosur operacione ushtarake, Sinëar shkoi në Rafah, tha zëdhënësi i IDF. Aty, siç tha Hagari, u gjet material gjenetik i Sinëar, pak metra larg tunelit ku u gjetën të vdekur gjashtë pengje izraelitë. Sipas IDF-së, rezulton se Sinëar dhe familja e tij ishin fshehur disa orë para sulmit të 7 tetorit në tunel me pajisje të plota, jastëkë, ujë, ushqim dhe televizor. Michael Kuby, ish-zyrtari i Shin Bet (Agjenci e sigurisë së Izraelit) që mori në pyetje Yahya Sinëar për 180 orë ndërsa mbahej në burgjet izraelite, tha se lideri i Hamasit në Gaza ishte një njeri i pamëshirshëm dhe racional me “sy vrasës”, i cili ia kishte kushtuar jetën ekskluzivisht shkatërrimit të Izraelit dhe vrasjes së hebrenjve.  

Newly released Footage from October 6th, the Night before Hamas’ Surprise Attack and Massacre against Southern Israel, shows Yahya Sinwar and Members of his Family make several Trips between the Surface carrying a TV, Food, Water, and other Supplies. They knew what Israel’s… pic.twitter.com/kLqAlNa89H

— OSINTdefender (@sentdefender) October 19, 2024