Gjatë arrestimit të kryebashkiakut Erjon Veliaj në zyrën e tij të punës, oficerët e BKH-së dhe policisë i kanë sekuestruar edhe telefonin e tij celular. Kryebashkiaku që aktualisht ndodhet në paraburgimin e Durrësit, pasi është i dyshuar për korrupsion e pastrim parash i është drejtuar Gjykatës së Posaçme dhe kërkon kthimin pas të telefonit. Ai pretendon se celulari i është sekuestruar në mënyrë të paligjshme. Gjykatësi i posacëm Erjon Bani pritet ta shqyrtojë ditën e sotme këtë kërkesë të të zgjedhurit vendor. Dosja Veliaj që nga data 10 shkurt kur edhe u vu në pranga me urdhër të SPAK është shndërruar në kryefjalën e mediave, shumë prej të cilave janë vënë në mbrojtje të kryebashkiakut. Ndërsa vetë Veliaj vazhdon me sulme të paprecedenta në drejtim të prokurorit të posacëm Ols Dado.
