Rreth 15 persona, pjesë e stafit të Universitetit Bujqësor të Tiranës, janë paraqitur këtë të hënë në SPAK, pasi dyshohet se janë të përfshirë në abuzime me tenderat. GJKKO ka vendosur për ta masën e sigurimit “detyrim paraqitje”, duke i konsideruar të dyshuar për abuzimin në 9 procedura tenderimi.
Për pesë persona të tjerë është lënë në fuqi masa “arrest në shtëpi”, ndërsa katër të tjerë janë arrestuar dhe janë në burg. Hetimet e SPAK po vijojnë për zbardhjen e plotë të çështjes, ndërsa dyshohet se nëntë tendera të manipuluar në vitin 2022, me vlerë totale prej 90 milionë lekësh, kanë përfshirë zyrtarë të universitetit, si zëvendësrektori, administratori dhe anëtarë të njësisë së prokurimit dhe komisionit të vlerësimit të ofertave.
Hetuesit kanë zbuluar se ata kanë bashkëpunuar me kompani private për të përcaktuar fituesit e tenderave dhe për të falsifikuar dokumente për të rritur vlerën e kontratave publike. Deri tani janë lëshuar 24 masa sigurie, ku përfshihen 5 arrestime me burg, 10 arrestime në shtëpi dhe 9 masa detyrimi për t’u paraqitur në prokurori.
