Presidenti i Turqisë, Recep Tayyip Erdogan, pritet të mbërrijë të enjten në Tiranë, ku do të zhvillojë takim me Presidentin e Shqipërisë, Bajram Begaj, si dhe me Kryeministrin Edi Rama. Pas takimit me Kryeministrin, dy liderët pritet të mbajnë një konferencë të përbashkët për shtyp.
Gjatë vizitëa do të inaugurohet Xhamia e Namazgjasë, një nga xhamitë më të mëdha në rajon, e cila është ndërtuar me mbështetjen e qeverisë turke. Kjo vizitë përforcon marrëdhëniet e ngushta mes Shqipërisë dhe Turqisë, si në aspektin ekonomik ashtu edhe atë kulturor.
Pas vizitës në Shqipëri, Erdogan do të udhëtojë drejt Beogradit më 11 tetor, ku do të takohet me Presidentin e Serbisë, Aleksandar Vuçiç, në kuadër të forcimit të marrëdhënieve rajonale dhe bashkëpunimit.
