Monika Kryemadhi ishte e pranishme në seancën paraprake në GJKKO lidhur me dosjen e hetuar nga SPAK ku akuzohet ajo dhe ish-bashkëshorti i saj Ilir Meta për korrupsion pasiv.
Por seanca e sotme u shty për në datën 9 tetor, pasi mungonte avokati i ish-presidentit Ilir Meta. Ndërkoh edhe ky i fundit nuk ishte i pranishëm në sallë.
Pas seancës, Kryemadhi foli me gazetarët, teksa thekson se nuk ka asnjë person ende të thirrur për korrupsion aktiv, teksa ajo dhe Meta hetohen për korrupsion pasiv.
“Monika Kryemadhi Ilir Meta akuzohen për korrupsion pasiv. Nuk ka asnjë të akuzuar për korrupsion aktiv. Kur ka korrupsion pasiv si nuk ka korrupsion aktiv. A janë pyetur biznesmenët. E dyta, kam pasur dëshmi, mos bërja e hetimit në thelb e plotësuar lë shumë shpërdorim nga SPAK në marrëdhënie me hetimin. Sipas Dumanit, Fatime i fillon jeta në 2001 në Tiranë. Nuk do thotë që tironsit që kanë jetuar në Tirana para 2001 i fillon jeta në Tiranë kur ka ardhur Dumani në Tiranë. Procesi me mijëra faqe lë shumë për të dëshiruara. SPAK dhe i gjithë procesi ka qenë shumë i zënë.”
