Ish-deputetja Monika Kryemadhi është paraqitur paraditen e sotme në GJKKO për seancën e radhës gjyqësore.
Para se të hynte në ambientet e gjykatës, Kryemadhi foli shkurt edhe për gazetarët, duke komentuar me ironi zhvillimet politike të ditës dhe duke kujtuar se në mbrëmje, në orën 18:00, do të shfaqet filmi i saj.
Ajo tha se e kishte caktuar datën e aktivitetit të saj më herët, ndërsa sipas saj ngjarjet e tjera kanë ardhur më pas.
“Sot është një super ditë. Gjyqi im, imuniteti i Belindës, protesta e opozitës, iftari i kryeministrit dhe filmi im. Unë e kam fiksuar datën e para, të gjithë këta të tjerët pas meje. S’të lënë rehat! Super kopjaca!”, u shpreh Kryemadhi.
Në GJKKO pritet të zhvillohet seanca ndaj saj dhe ish-bashkëshortit të saj, ish-presidentit Ilir Meta.
