Këshilli Bashkiak i Vlorës ka vendosur sot që detyrën e kryebashkiakut, pas dorëheqjes së Ermal Dredhës, ta mbajë Elis Halili.
Seanca u zhvillua mes debateve të ashpra, ku përveç Halilit u përfolën edhe emrat e dy nënkryetareve të bashkisë, Irena Toshkallari dhe Klea Lalo.
Ermal Dredha dha dorëheqjen disa ditë më parë nga drejtimi i bashkisë, post të cilin e kishte marrë në vitin 2023, kur pasoi Dritan Lelin.
Halili do të qëndrojë në detyrë deri në mbajtjen e zgjedhjeve të reja vendore.
