Fluturimet janë pezulluar përkohësisht në Dubai International Airport për arsye sigurie. Lajmi është bërë i ditur nga autoriteti i aviacionit civil të Dubai, pasi një incident me një dron shkaktoi një zjarr në afërsi të aeroportit.
Sipas autoriteteve, pezullimi i fluturimeve është marrë si masë paraprake për të garantuar sigurinë e pasagjerëve dhe të personelit.
“Autoriteti i Aviacionit Civil të Dubait njofton pezullimin e përkohshëm të fluturimeve në aeroportin ndërkombëtar të Dubait si një masë paraprake për të garantuar sigurinë e të gjithë pasagjerëve dhe stafit”, thuhet në njoftimin e publikuar nga zyra e shtypit e Dubait në platformën X.
