Djali i Fredi Belerit do të kandidojë për bashkinë e Himarës. Këtë e ka bërë të ditur sekretari i “Omonias”, Marin Suli, në një intervistë për mediat, ndërsa deklaroi se do të jetë i biri i tij ai që do të vijojë betejën e të atit.
“Një nga kandidatët më kryesorë mund të jetë prapë emri i Fredi Belerit, por me një artificë ligjore… të kandidojë i biri i tij. Kështu që në fletën e votimit prapë zoti Rama, do lexojë Petro Dhionisios Alfred Beleris”, tha Suli.
Kujtojmë se Beleri u zgjodh eurodeputet i partisë së kryeministrit grek Kiriakos Mitsotakis, ndërsa ndodhet ende në burgun e Fierit, i akuzuar për blerje votash.
