Protesta ka vijuar sot në ditën e saj të 48. Mijëra qytetarë janë mbledhur para kryeministrisë duke kërkuar dorëheqjen e kryeministrit Edi Rama dhe qeverisë së tij.
Këtë të premte kanë rikthyer thirrjen për pjesën tjetër të qytetarëve për t’u mbledhur në 23 korrik në orën 8.30 të mëngjesit në sheshin ‘Skënderbej’ dhe për t’u zhvendosur më pas drejt Parlamentit ku zhvillohet dhe seanca e fundit parlamentare.
Qytetarët janë shprehur se do të jetë dita e fundit e qeverisë por dhe Parlamentit.
Gjithashtu nuk kanë munguar thirrjet për Prokurorinë e Posaccme për të goditur korrupsionin e qeverisë dhe kryeministrit dhe marrjen të pandehur të këtij të fundit.
Ndërkohë nesër pritet të ngrihet dhe Kuvendi Kombëtar i protestës. Në orën 12.00 është lajmëruar dhe mbledhja e parë e këtij kuvendit në Hotel Tirana.
