Kryeministri Edi Rama duket se ka dështuar të realizojë një takim me emigrantët në Londër. Burime për VNA.al thonë se takimi në Britani është shtyrë për herë të dytë, këtë herë në shtator.
Takimi i Ramës me emigrantët në Angli ishte caktuar më 2 qershor. Disa ditë me parë zyra e shtypit e kryeministrit njoftoi se tubimi i Londrës do të shtyhet me justifikimin e zgjedhjeve që do të zhvillohen në Britani.
Ndërkohë pas këtij lajmi, VNA siguroi një listë e përpiluar nga instancat e Partisë Socialiste, e cila do shërbente për të marrë të dhënat e militantëve që do të çonin në atë takim.
Mesa duket kryeministri do e ketë pasur të vështirë të bind “çunat e Londrës” t’i vijnë në takim me lista. Duke marr në konsideratë vizën dhe kostot e larta me avion për të çuar njerëz të administratës në Britani, duket se Rama e ka pas të vështirë të plotësojë kuotën e nevojshme të propagandës.
Pjesëmarrja e organizuar dhe e detyruar në takimet e kryeministrit me emigrantët shqiptarë në Europë gjithsesi mbetet problemi më i vogël po të shohësh se gjatë gjithë kohës në to flitet per probleme te rendeisshme, sidomks per ceshtjen votes se diasporës. Një premtim i pambajtur i qeverisë së Edi Ramës.
Notat patetike patriotike që mbizotëruan në takimin e Athinës nuk u përsëritën në takimin me shqiptarët e Milanos. Madje duket se më të vështirë Rama do ta ketë në Britani ku largimet masive me gomone të viteve të fundit dhe “çunat e Londrës” nuk janë kaq të gatshëm të luajnë në fushën e propagandës së Edi Ramës.
