- Sipas mediave Rama ka dhënë urdhër të prerë në mbledhjen e Kryesisë: Regjistroni çdo shqiptar që jeton jashtë vendi.
- Kushtetuta e Shqipërisë përcakton se: Askush nuk duhet të mbledhë të dhëna personale pa ligj dhe pa pëlqimin e tyre.
Në mbledhjen e Kryesisë të Partisë Socialiste, kryetari i kësaj partie, njëkohësisht edhe kryeministër, Edi Rama, ka bërë disa ndryshime për drejtuesit e degëve të PS. Kështu, z.Blendi Klosi u emërua si drejtues për Dibrën, z.Pirro Vengu si drejtues politik për Vlorën. Ndërkohë, sipas burimeve mediatike, mësohet se në ketë mbledhje janë dhënë disa porosi, fokusi kryesor i të cilave shkon për zgjedhjet parlamentare 2025. Kështu, sipas burimeve mediatike, mësohet se socialistëve iu është lënë 2-3 javë afat për identifikimin e emigrantëve dhe regjistrimin e tyre në regjistrat e PS. Përse Edi Rama dhe PS duhet të mbledhë të dhënat personale të shqiptarëve jashtë shtetit? Kësaj pyetje i ka dhënë përgjigje anëtari i Këshillit Kombëtar të PD-së Bardh Spahia në një deklaratë për mediat denoncoi Partinë Socialiste se po përpiqet të manipulojë votën e emigrantëve. "Institucionet shtetërore kanë shpërndarë tek punonjësit formularë për t’i plotësuar me të paktën 10 kontakte të familjarëve apo miqve në emigracion. Kush bën rezistencë dhe nuk bën punën e partisë, merr kërcënime për t’u larguar nga vendi i punës"-denoncoi Bardhi. Sipas PD, po përgatitet skema e patronazhimit të diasporës për zgjedhjet e 11 majit! Sakaq, Kushtetuta e Shqipërisë përcakton se: Askush nuk duhet të mbledhë të dhëna personale pa ligj dhe pa pëlqimin e tyre.
