- Të rinjtë: “Koha na e kërkon që të jemi në lartësinë e studentëve të dhjetorit 90”
Në kuadër të 8 Dhjetorit Ditës së Rinisë, Forumi Rinor i Partisë Demokratike po zhvillon një protestë marshim nga Qytet Studenti deri para Kryeministrisë.
Nën moton "Koha na e kërkon që të jemi në lartësinë e studentëve të dhjetorit 90’ që bënë që 8 Dhjetori të hyjë në historinë tonë si Dita e Rinisë".
Në marshimin e tyre nisur nga Qyteti Studenti, kreu i PD, Sali Berisha mbajti një fjalim përshkroi kundërshtimin aktual si një “pushtim” që do të “shkrihet si bora para diellit të nxehtë” dhe bëri thirrje për vazhdimin e mosbindjes civile dhe betejës. Ai premtoi se qeveria e ardhshme do të ketë si prioritet të rinjtë shqiptarë, duke u fokusuar në shkollimin, punësimin dhe rolin e tyre, dhe siguroi se do të punojë për ta rikthyer Shqipërinë në duart e qytetarëve të saj.
Pas përfundimit të tubimit tek Qyteti Studenti, të rinjtë bashkë me Berishën marshuan drejt Kryeministrisë. Shumë të rinj pjesëmarrës zhvilluan aktin e protestës së tyre, duke mbajtur disa pankarta me fytyrat e ministres së Arsimit, kryeministrit Rama dhe kreut të Bashkisë Erion Veliaj. Në fund protesta në mënyrë simbolike i vunë flakën Veliaj, Ramës e Manastirliut.
