Pavarësisht paqartësive që rrethojnë raundin e ri të bisedimeve mes Shtetet e Bashkuara dhe Iranit në Islamabad, autoritetet në Pakistani vijojnë përgatitjet për pritjen e delegacioneve.
Sipas dy burimeve të sigurisë në Pakistan, dy avionë të mëdhenj transporti ushtarak amerikanë të tipit C-17 janë ulur në një bazë ajrore të dielën pasdite, duke transportuar pajisje sigurie dhe mjete logjistike përpara mbërritjes së delegacionit amerikan.
Në të njëjtën kohë, autoritetet komunale në Islamabad kanë ndërprerë transportin publik dhe kanë kufizuar qarkullimin e mjeteve të rënda të transportit të mallrave në qytet, në kuadër të masave të sigurisë.
Masa të shtuara janë vërejtur edhe pranë Serena Hotel Islamabad, ku u zhvilluan bisedimet javën e kaluar. Zona përreth është rrethuar me tela me gjemba, ndërsa hoteli u ka kërkuar të gjithë klientëve të lirojnë ambientet.
Zhvillimet e fundit nënvizojnë rëndësinë e këtyre bisedimeve, të cilat priten me interes të lartë ndërkombëtar, ndërkohë që mbetet e paqartë nëse takimi do të zhvillohet sipas planit në ditët në vijim.
