Presidenti i SHBA-së, Donald Trump, ka dalë sërish me kritika publike ndaj Papa Leone XIV, duke e akuzuar se qëndrimet e tij mund të vënë në rrezik besimtarët katolikë në mbarë botën.
Në një deklaratë për Salem News, Trump u shpreh se Ati i Shenjtë duket se e konsideron të pranueshme mundësinë që Irani të zotërojë armë bërthamore, një ide që ai e kundërshton fuqishëm.
“Papa po rrezikon shumë katolikë dhe shumë njerëz,” tha Trump. “Ai preferon të flasë për mënyrën se si mund të jetë e pranueshme që Irani të ketë armë bërthamore. Nuk mendoj se kjo është një gjë e mirë.”
Këto deklarata pritet të nxisin debate të reja, veçanërisht në një moment kur Sekretari amerikan i Shtetit, Marco Rubio, është planifikuar të zhvillojë një vizitë në Vatikan.
