Presidenti amerikan, Donald Trump, ka anuluar misionin në Pakistan të dy të dërguarve të tij, Steve Witkoff dhe Jared Kushner, raportoi Fox News. Dy zyrtarët amerikanë pritej të takonin në Islamabad ministrin e Jashtëm të Iranit, Abbas Araghchi.
Zëdhënësi i Ministrisë së Jashtme iraniane, Esmaeil Baghaei, deklaroi se “nuk është planifikuar asnjë takim me Shtetet e Bashkuara” në Pakistan, duke përgënjeshtruar raportimet e mëparshme që flisnin për një takim të mundshëm mes delegacioneve të Teheranit dhe Uashingtonit.
Ndërkohë, vetë Trump tha se udhëtimi u anulua për shkak të “shumë konfuzionit rreth lidershipit në Iran”. I pyetur nëse lufta mund të rifillojë, ai u përgjigj: “Nuk e kemi menduar ende këtë.”
