
Irani ka dënuar sulmet ndaj urave në territorin e tij nga Shtetet e Bashkuara dhe Izraeli, duke i cilësuar ato si një “krim lufte në stilin e terrorizmit të ISIS”.
Deklarata u bë nga zëdhënësi i Ministrisë së Jashtme të Iranit, Esmaeil Baghaei, pas kërcënimeve të presidentit amerikan Donald Trump për të intensifikuar goditjet ndaj infrastrukturës iraniane.
Reagimi vjen edhe pasi ura B1, që lidh Teheranin me qytetin Karaj, u dëmtua pjesërisht nga sulmet.
“Shkatërrimi i urave të mëdha, të cilat qëndrojnë si simbole të qëndrueshme të zgjuarsisë, përkushtimit dhe punës së palodhur të inxhinierëve dhe punëtorëve iranianë, nuk i lartëson sabotatorët,” shkroi Baghaei në rrjetin social X.























